Праграма візіту Папы Бэнэдыкт 16 у італьянскія мясцовасьці Віджэвано і Павію
Дыяцэзыі Віджэвано і Павія паінфармавалі аб праграме візіту Сьвяцейшага Айца да
гэтых гарадоў, што адбудзецца ў днях 21-22 красавіка, сёлета. І так, у суботу 21-га
красавіка, Папа прыляціць у Віджэвано каля гадзіны 17-ё паводле рымскага часу. Зараз
жа пасьля прылёту адслужыць Сьвятую Імшу на цэнтральнай Плошчы Гораду. Пасьля Літургіі
Бэнэдыкт 16 адправіцца ў Павію, дзе прывітальныя ўрачыстасьці ёсьць прадбачаныя каля
гадзіны 21-й. Ноч Папа правядзе ў Біскупскай Курыі гораду Павія. У нядзелю 22-га
красавіка, раніцай, Сьвяцейшы Айцец наведае гарадзкую клініку Сьвятога Матэя. А гадзіне
10.30 Папа адправіць урачыстую Эўхарыстыю ў садах Калегіі Сьвятога Карла Барамэа.
Пасьля абеду, каля гадзіны 16-й наведае павійскі Унівэрсытэт, каб потым адслужыць
Вячэрню ў тамашняй Базыліцы Сьвятога Пятра. У ёй знаходзіцца гроб Сьвятога Аўгустына. Позным
вечарам, у нядзелю 22-га красавіка, Папа вернецца ў Рым.