Вялiкодныя Богаслужбы прайшлi ў хрысцiянскiх храмах Узбекiстана. Галоўная iмша
прайшла ў ноч з суботы на нядзелю ў праваслаўнай катэдры узбекскай сталiцы. Яе ўзначалiў
мiтрапалiт Ташкентскi i Сярэдняазiяцкi Уладзiмiр. Богаслужбы праходзiлi i ва ўсiх
iншых праваслаўных прыходах - двух саборах, 29 звычайных цэрквах i трох манастырах. У
святочную ноч была адпраўлена Богаслужба таксама i ў новым армянскiм храме iмя Святога
Фiлiпа ў Ташкенце. Яе ўзначалiў а.Геворг Варданян – адзiны святар Армянскай Апостальскай
Царквы на тэрыторыi ўсёй Сярэдняй Азii. Акрамя таго, нядзельную вялiкодную Святую
iмшу ўзначалiў у Ташкенце кiраўнiк Апостальскай адмiнiстратуры ва Узбекiстане бiскуп
Ежы Мацулевiч. Апостальская адмiнiстратура ва Узбекiстане была заснавана па жаданню
Папы Яна Паўла II° за дзень да яго смерцi. Святочныя Богаслужбы праводзiлiся ва ўсiх
пяцi каталiцкiх касцёлах краiны. Члены розных пратэстантскiх дэнамiнацый Узбекiстана
таксама правялi ўрачыстыя Богаслужбы. У Камiтэце да спраў рэлiгiй адзначаюць, што
напярэдаднi свята ўся тэрыторыя, што знаходзiцца абок з храмамi была прыведзена ў
парадак. Дзеля забяспечэння бяспекi вернiкаў каля рэлiгiйных устаноў было арганiзавана
дзяжурства супрацоўнiкаў праваахоўных ворганаў i медыкаў. Па дадзеных камiтэта,
зараз на тэрыторыi Узбекiстана дзейнiчаюць 165 хрысцiянскiх суполак розных дэнамiнацый.
Усяго ў Рэспублiцы прадстаўлена 16 рэлiгiйных напрамкаў.