16 prill 2007: 80-vjetori i Papës Benediktit XVI. Urime Atë i Shenjtë!
(16.04.2007 RV)"Gëzim” Kjo
fjalë-shtyllë e magjisterit të Bariut universal Jozef Racinger ngazëllen shumë zemra
në këto ditë kaq të ngarkuara me ngjarje, me festa, me hare. Era e mirë e flladit
të Pashkëve bëhet edhe më e këndshme e na e mbush shpirtin plot me atmosferën e kremtimit
të ditëlindjes së Atit të Shenjtë. Është festë! Vatikani ka festë! Mbarë bota katolike
kremton e me të, edhe ne jemi në festë. Është festa e bukurisë, e madhështisë dhe
e qartësisë së Fesë. E asaj Feje, të cilën Papa me sytë e qeshur e ëmbëlsisht atëror,
e rindez në mendjet e në zemrat e besimtarëve dhe të gjithë atyre që e shikojnë plot
shpresë. Është festa e Pjetrit. Festa e Bariut, që t’i freskon korp e shpirt. Është
festë! Festë që ka shijen e familjes, aromën e kemit në famulli, kufjtë e universalitetit! Gëzuar
Atë i Shenjtë! Urimi i shprehur nga zërat tonë shqiptarë, ka aromat e krishterimit
të lashtë të një vendi e popull i vogël, që ju ka për zemër, sepse edhe ju e keni
për zemër!