Бiскупы Зiмбабве звярнулiся да вернiкаў з Вялiкодным пасланнем.
Бiскупы Зiмбабве пад час вялiкодных святаў распаўсюдзiлi па касцёлах краiны лiст,
у якiм гаворыцца аб “сiтуацыi надзвычайнай небяспекi” для грамадскага жыцця i крытыкуецца
сучаснае палiтычнае кiраўнiцтва краiны, што выклiкае вялiкую незадаволенасць людзей:
“У той час як насельнiцтва пакутуе, што выяўляецца па байкотах, забастоўках i дэманстрацыях,
дзяржава адказвае людзям арэстамi, вязнiцамi, забаронамi, дрэнным стаўленнем да свабодаў
i катаваннем… Шмат людзей раз’юшаны, што адчуваецца ў розных рэгiёнах краiны”. “Каб
пазбегнуць будучага пралiцця крывi i масавага паўстання, - пiшуць бiскупы, - краiна
мае патрэбу ў новай Канстытуцыi, якая магла б прывесцi да дэмакратычных i справядлiвых
выбараў”. Наша даведка: iнфляцыя ў Зiмбабве асягае 1700 % у год; без працы застаюцца
80 % насельнiцтва.