Lidhja ndërmjet Biblës e moralit – në qendër të plenares së Komisionit Papnor Biblik.
(12.04.2007 RV)Komisioni Papnor Biblik do të mblidhet në Vatikan për asamblenë
e vet plenare më 16 deri më 20 prill. Gjatë takimit do të përfundohet thellimi i studimit
me temë “Lidhja ndërmjet Biblës dhe moralit”. Mbledhjen plenare do ta kryesojë kardinali
Uiljam Levada, prefekt i Kongregatës për Doktrinën e Fesë dhe kryetar i Komisionit.Kujtojmë
se organizmi papnor, themeluar nga Leoni XIII në vitin 1902, ka tri detyra kryesore:
të nxisë studimin e Biblës nga katolikët, t’u kundërvihet me mjete shkencore opinioneve
të gabuara në lëndën e Shkrimit Shenjt dhe të studiojë e të ndriçojë çështjet e diskutuara
dhe problemet urgjente në fushën biblike.