Udha e Kryqit në Koloseo, kryesuar nga Benedikti XVI.
(06.04.2007 RV)Sot pasdite, në orën 17. 00, Benedikti XVI kryesoi, në Bazilikën
e Shën Pjetrit, Liturgjinë e të Premtes së Madhe të Pashkëve: liturgjine e Fjalës,
adhurimin e Kryqit dhe ritin e kungimit. Në orën 21.15, në sa ne përfundojmë
programin tonë të së Premtes së Madhe, në Koloseo fillon rikujtimi i Mundimeve të
Zotit, Udha e Kryqit, pamjet e së cilës përshkojnë rrugët e Planetitpërmes
Mondovizionit. Në përfundim të kremtimit, Benedikti XVI do t’u drejtojë fjalën besimtarëve
të mbarë botës e do t’u japë të gjithëve bekimin e tij apostolik. Meditimet, përgatitur
nga imzot Gjanfranko Ravazi, meshtar i dioqezës së Milanos, specialist biblist e hebraist
dhe prefekt i Bibliotekë-Pinakotekës Ambroziane (themeluar nga kardinali Federiko
Borromeo në vitin 1607), lexohen nga dy aktorë: Kiara Muti e Alesio Boni. Papa
Benedikti XVI mban kryqin në Stacionin e parë dhe të fundit të Udhës së Kryqit. Gjatë
etapave e stacioneve të tjera do ta ndihmojnë të rinj, përfaqësues të katolicizmit
nga e gjithë bota, ndërsa në Stacionin e dytë, kryqi mbahet nga kardinali Kamilo Ruini,
vikar i Atit të Shenjtë për dioqezën e Romës.