Papa emëron kardinalin Bertone Kamerleng të Selisë së Shenjtë.
(04.04.2007 RV)Papa Benedikti XVI, në përkim me Kushtetutën Apostolike Universi
Dominici Gregis pranoi kërkesën e kardinalit Eduardo Martinez Somalo për t’u larguar
nga zyra e Kamerlengut të Kishës Shenjte Romake, duke emëruar në vend të tij, kardinalin
Tarçizio Bertone, sekretar i Shtetit të Vatikanit. Kujtojmë se Kardinali Kamerleng
kryen dy detyra kryesore: në radhë të parë administron pasuritë e Kishës kur papa
është në shtegtim ose kur mungon, ndërsa kur vdes papa, drejton Selinë e Shenjtë në
atë që quhet Seli vakante.