Këshilli i Sigurimit dëgjon Ahtisarin mbi Kosovën.
(03.04.07 RV)Këshilli i Sigurimit i OKB-së diskuton sot rreth propozimit të
të dërguarit të Kombeve të Bashkuara për Kosovën, Marti Ahtisari. Kryeministri i Kosovës,
Agim Çeku sqaroi sot se ish-presidenti finlandez i shpjegon Këshillit të Sigurimit
se përse ka vendosur që Kosova të ketë statusin e pavarësisë së mbikqyrur. “Unë pres
- tha ai – që anëtarët ta kuptojnë dhe të punojnë shpejt për miratimin e rezolutës,
me bazë planin e Ahtisarit”. Ndërkaq, në Kosovë, pavarësisht nga paralajmërimi
i djeshëm i sekretarit të përgjithshëm të NATO-s, Jap de Hop Skefer se Aleanca nuk
do të lejojë trazira në vend, gjatë natës një bombë Molotov është hedhur kundër një
makine të KFOR-it. Ngjarja ka ndodhur në Zubin Potok.