Izraeli izolon Çisjordaninë dhe Gazën për Pashkët hebraike. Besimtarëve u lejohet
kalimi gjatë kremtimeve të Pashkëve të krishtera.
(01.04.2007 RV)Në sa në Romë ndjehet fort atmosfera e kremtimit të Pashkëve,
në Lindjen e Mesme, ku u kryqëzua e u ngjall Krishti, ushtria izraelite ka rrethuar
Territoret palestineze në Çisjordani dhe në Gazë. Rrethimi do të vijojë gjatë gjithë
periudhës së Pashkëve hebraike, që do të përfundojë më 9 prillin e ardhshëm. Në një
komunikatë të publikuar me këtë rast, saktësohet se besimtarëve të krishterë dhe
njerëzve të Kishës do t’u lejohet kalimi gjatë gjithë kremtimeve të Pashkëve të krishtera. E
ndërsa bashkësia ndërkombëtare vijon të kërkojë rrugëzgjidhje për ta bërë paqen realitet
në rrethana kaq të vështira, Kisha katolike lutet që Pashkët të ndikojnë për fuqizimin
e dialogut ndërmjet të gjitha realiteteve të pranishme në Tokën e Jezusit.