(30.03.07 RV)Selia e Delegacionit evropian në Tiranë, në qendër të hetimeve
për korrupsion nga prokuroria belge, është e rrethuar me skorie çimentoje e amianti,
material që vetë Bashkimi Evropian e ka nxjerrë të jashtëligjshëm prej vitesh, duke
e konsideruar shumë kanceroz. Ndërtesa është ngritur në vitet 2004-2005 nga firma
italo-shqiptare “Europa Building shpk” mbi bazën e një marrëveshjeje të arritur nga
funksionari Italian i Komisionit Evropian, që tani ndodhet në burg në Bruksel sëbashku
me dy të tjerë. Normativa evropiane kërkon që për ndërtime të tilla të bëhet më parë
tenderi dhe studimi i impaktit ambiental. Njëkohësisht në zonën e Laprakës ku ndodhet
godina, ndotja e ambientit është i nivelit më të lartë në të gjithë Tiranën.