Рымскае аддзяленне "Caritas" арганiзавала Крыжовую дарогу для вязьняў.
У пятнiцу, 30 сакавiка, рымскi фiлiал каталiцкай дабрачыннай арганiзацыi “Caritas”
правядзе Крыжовую дарогу з вязьнямi рымскай турмы “Ребiббья”. У паведамленнi для
прэсы нагадваецца, што гэта падзея з’яўляецца адной з вялiкапостных дабрачынных iнiцыятыў.
“У лiтургii прыймуць удзел вязьнi, супрацоўнiкi турмы, валанцёры арганiзацый, якiя
працуюць у чатырох установах “Ребiббьi” i прадстаўнiкi рымскiх парафiй”, - гаворыцца
ў згаданым паведамленнi. Арганiзатарамi Богаслужбы з’яўляюцца супрацоўнiкi арганiзацыi
“Дабрахвоты ў турме”, якая ўваходзiць у склад рымскага аддзялення “Caritas”, а таксама
вязьнi i супрацоўнiкi турмы “Ребiббья”. “Спатканне з вязьнямi турмы пад час Вялiкага
Посту – гэта магчымасць стаць блiжейшымi да свету, якi болей любых iншых адзначаны
самотнасцю”, - сказаў монс. Дi Тора, кiраўнiк “Caritas” Рымскай дыяцэзii. “Мы
будзем малiцца з нашымi братамi-вязьнямi, каб быць разам i каб падрыхтавацца да Пасхi,
сцвярджаючы блiзкасць да iх Каталiцкай Царквы, якая выяўляецца ў мностве iнiцыятыў
салiдарнасцi i ў працы шматлiкiх дабрахвотаў. “Дарэчы, 3 сакавiка бягучага года,
у рамках падрыхтоўкi да Вялiкадня, рымскае аддзяленне “Caritas” адкрыла новы прытулак
для былых вязьняў, будаўнiцтва якога вялося дзякуючы ахвяраванням, сабраным рымскiмi
парафiямi”, - паведамiў монс. Дi Тора.