Каталiцкая моладзь Iрака будзе святкаваць Дзень моладзi.
Моладзь Iрака рыхтуецца да правядзення Мiжнароднага дня моладзi. Перад святкаваннем
Пальмовай нядзелi, якая прыпадае ў гэтым годзе на 1 красавiка, 80 маладых iракцаў
з усiх дыяцэзiй краiны збяруцца 29 i 30 сакавiка ў горадзе Эрбiл у мясцовым санктуарыi
Панны Марыi i малiтоўна далучацца да рымскай моладдзi, разам з якой будзе малiцца
Свяцейшы Айцец. Спатканне маладых хрысцiянаў Iрака арганiзоўвае а. Райан Атто,
кiраўнiк халдэйскай парафii Святога Сэрца ў Эрбiлi. Удзельнiкi сустрэчы праслухаюць
у прамом эфiры малiтву Бенедыкта XVI°, якая будзе перакладацца на арабскую i арамейскую
мовы, якiмi карыстаюцца хрысцiяне Iрака. Пасля гэтага запланавана правесцi начное
малiтоўнае чуванне (адарацыю), якая скончыцца ў будучую пятнiцу ранiцай. А 12 гадзiне
гэтага ж дня будзе адпраўлена Святая iмша. Некаторыя моманты спаткання будуць
перададзены ў прамым эфiры адным з хрысцiянскiх тэлеканалаў iракскага Курдзiстана.
“Мара маладых хрысцiянаў Iрака, - сказаў а.Атто, - прыняць удзел у Сусветным дне моладзi
ў Аўстралii ў 2008 годзе. Гэты удзел мае вялiкае сымвалiчнае значэнне як для членаў
хрысцiянскай суполкi, якая пакутуе ад iзаляцыi, што перажывае цяпер Iрак, так i для
маладых хрысцiянаў свету, якiя такiм чынам маглi б асабiста сустрэцца са сваiмi iракскiмi
братамi, а не пры пасрэднiцтве СМI”.