Macква моцна пашанавала выдатнага рускага музыканта Мсціслава Растраповіча. Яго
80-гадовы юбілей прайшоў на дзяржаўным узроўні. У Маскве Мсціслаў і ягоная жонка Галіна
моляцца ў праваслаўнай царкве Уваскрасення Словушчага на Ўспенскім вражку, а ў парыжы
з'яўляюцца прыхаджанамі сабора св. Аляксандра Неўскага.
Мсціслаў растраповіч, які мае польскія карані, быў ахрышчаны ў праваслаўе і вызнае,
як і ягоная жонка, славутая спявачка і педагог Галіна Вішнеўская, праваслаўную веру.
Яны ў часы таталітарызму пажаніліся не толькі ў ЗАГСе, але й патаемна былі абвенчаныя
архіепіскапам Саратаўскім і Вольскім Піменам. З ўладыкаю Мсціслаў Растраповіч пазнаёміўся
яшчэ напрыканцы 50-х гадоў у Троіца-Сергіевай лаўры. Менавіта архіепіскоп Пімен быў
сярод сяброў, хто з абдымкамі сустракаў зорную пару, калі Мсціслаў Леапольдавіч
і Галіна Паўлаўна вярталіся з прымусовай эміграцыі ў Расію 80-х. Растраповіч называе
Пімена сваім духоўным настаўнікам і часта даязджае ў Саратаў маліцца на ягонае магіле.
Нядаўна юбіляр прыняў удзел у паніхідзе па "прыснапомнаму архіепіскапу Пімене" і наведаў
архіерэйскі дом, на месцы якога была дамавая царква, дзе й павенчаныя Растраповіч
і Вішнеўская. Яны прыпамінаюць задушэўныя гутаркі з мудрым духаўніком, у якіх прымаў
удзел таксама геніяльны авіяканструктар Ігар Сікорскі. У словах прызнання з
вуснаў прэзідэнта Расіі, іншых дзяржаўных і культурных дзеячаў падчас юбілейнага канцэрту
ў Крамлі ў гэты аўторак, было прыпомнена і тое, што імя музыканта выціснута на дошчы
ў храме Хрыста Спасіцеля ў Маскве, бо Растраповіч неаднаразова рабіў моцныя ахвяраванні
на аднаўленне святыні. Ён стаўся першым, хто граў канцэрт ў залі царкоўных сабораў
адноўленага Храма. І адзіным, хто ў 1994 годзе на Краснай плошчы выканаў уверцюру
"1812 год", напісаную Пятром Чайкоўскім менавіта прынагодна да асвячання храма Хрыста
Спасіцеля ў 1880 годзе.