ЗБС “МГА “Бацькаўшчына” далучылася да грамадскай кампаніі супраць размяшчэння ў манастырскім
комплексе св. Іосіфа гатэля. Гэтую кампанію распачалі грамадзяне-хрысціяне Рэспублікі
Беларусь, звярнуўшыся з адкрытым лістом да прэзідэнта Рэспублікі Беларусь Аляксандра
Лукашэнкі. У межах кампаніі яны таксама збіраюць подпісы супраць перабудовы. Як
пішуць у адкрытым лісце да А.Лукашэнкі беларускія хрысціяне: “Мы пратэстуем супраць
перабудовы асвечанага храма і манастыра – месца малітвы і духоўнага адраджэння нашага
народу – пад гасцінічны комплекс, развесяляльныя залі, рэстараны”. Гісторыя манастырскага
комплексу пачалася ў 1624 годзе. У 1864 годзе манастыр і касцёл былі канфіскаваныя
царскімі ўладамі, а ў 1926 – прызнаны помнікам архітэктуры. У сённяшняй гісторыі вернікі
змагаюцца за вяртанне комплексу ўжо пятнаццаць год. У памяшканнях размяшчаўся архіў
і ваенная камендатура і інш. Улады спасылаліся на брак сродкаў, на адсутнасць памяшканняў
для архіву, на немагчымасць адсялення вайсковае камендатуры і г.д. Між тым гэта
АДЗІНЫ ў Беларусі поўны манастырскі комплекс 17 стагоддзя. Вернікі звяртаюцца
да прэзідэнта з просьбай выратаваць комплекс і перадаць яго для набажэнстваў. Усе
неабыякавыя да лёсу касцёла і манастырскага комплексу могуць паставіць подпіс супраць
перабудовы ў касцёлах горада. Беларускія католікі сабралі больш за 4 тыс. подпісаў
у лісьце да Аляксандра Лукашэнкі. У звароце яны патрабуюць ануляваць пляны рэканструкцыі
касьцёлу сьвятога Юзафа ў Менску ў гасьцінічны комлекс. У звароце гаворыцца, між іншым,
і пра вяртаньне вернікам помніка архітэктуры 17 стагодзьдзя. “Мы пратэстуем супраць
перабудовы асьвечанай сьвятыні й кляштару – месцаў малітвы й духоўнага адраджэньня
нашага народу – у гасьцінічны комлекс, забаўляльныя залі, рэстараны”, зазначаюць вернікі.
Беларускія рыма-католікі ўжо ня першы год намагаюцца вярнуць каталіцкую сьвятыню
ва ўласнасьць Менска-Магілёўскай архідыяцэзіі. Яшчэ ў мінулым годзе на прыступках
касьцёлу яны праводзілі набажэнствы, некалькі разоў ўдзельнікі малітоўных сустрэчаў
затрымліваліся сталічнай міліцыяй.