Rama i shkruan Berishës: reforma zgjedhore me konsensus.
(26.03.07 RV)Për një çështje të rëndësishme si reforma zgjedhore, edhe Shqipëria
kërkon konsensus. Ligji që duhet të përcaktojë formën e ardhshme të qeverisjes e mënyrën
e zgjedhjes së përfaqësuesve të popullit duhet të miratohet nga pozita dhe opozita,
pikërisht për të evituar mohimin e tij, sapo pushteti të kalojë në duart e palës tjetër.
Sot, kreu i opozitës shqiptare, socialisti Edi Rama i ka shkruar një letër kryeministrit
të Shqipërisë, Sali Berisha për ngritjen e një tryeze të përbashkët, ku të diskutohet
reforma zgjedhore dhe krijimi i infrastrukturës që e mbështet atë. Shpresojmë që iniciativa
të mos përdoret politikisht për të lavdëruar apo diskredituar ndokënd.