Агульная аўдыенцыя Папы у сераду 21 сакавіка

Адбылася яна на Плошчы Сьвятога Пятра, а гэта таму, што ў Рыме было даволі добрае надвор»е ды таксама з огляду на тое, што прыбыло на яе шмат вернікаў і паломнікаў з кожнага кутку сьвету. Паводле ватыканскіх крыніц было іх каля 25-ці тысяч. Была гэта ўжо адзінаццатая сустрэча Папы Бэнэдыкта 16 з вернікамі ў гэтым годзе. А ў сваёй сёньняшняй катахэзе Бэнэдыкт 16 працягваў свой цыкл катахэзаў прысьвечаных Айцам Царквы сказаўшы, між іншым,

Сёньня ўспамінаем Сьвятога Юстына, філозафа, апалагета і мучаніка. Нарадзіўся ў месцы старажытнага Сыгэну каля сотавага году. Вывучаючы грэцкія традыцыі філазофскіх школаў шукаў таго, што ў жыцьці зьяўляецца праўдаю. З часам пазнаёміўся з хрысьціянствам і Бібліяю. Захоплены імі- працягваў Папа сёньняшнюю катахэзу—аддаўся поўнасьцю паглыбленьню веры і ў яе абарону. У Рыме заснаваў дармовую школу, ў якой вучні маглі знаёміцца з хрысьціянствам. Памёр мучаніцкаю сьмерцю цераз адсячэньне галавы у 165-м годзе.
З яго твораў- сказаў яшчэ Сьвяцейшы Айцец- зьберагліся дзьве Апалогіі ды дыялог з яўрэям Трыфонам. У філазофіі ён бачыў поле сустрэчы паганскага сьвету, юдаізму і хрысьціянства. Асабліва каштоўным зьяўляецца яго навука аб Хрысьце як Логасу.
У часах рэлятывізму і дыскусіі аб вартасьцях – сказаў на заканчэньне сваёй катахэзы Бэнэдыкт 16—навукі Сьвятога Юстына здаюцца быць вельмі знамянальнымі. Варта задумацца над сэнтэнцыяю пачутаю Сьвятым, якая перамяніла ягона жыцьцё. Вось яна: “Маліся, каб брамы сьвятла былі адкрымі табе, таму, што ніхто не можа ўбачыць і зразумець, калі Бог і Яго Сын, не дазволяць яму гэтае зразумець”.


На заканчэньне аўдыенцыі Сьвяцейшы Айцец прывітаў усіх вернікаў, асабліва хворых, моладзь ды новыя шлюбныя пары, надзяляючы на ўсіх сваё Апостальскае Блаславенства.