У Львове прайшла навуковая канфярэнцыя, прысвячаная арцыбiскупу Уладзiмiру Сцернюку.
8 лютага ў памешканнi Львоўскай духоўнай семiнарыi Св. Духа Iнстытут гiсторыi Царквы
Украiнскага каталiцкага унiверсiтэта правёў навуковы семiнар, прысвячаны 100 гадавiне
з дня нараджэння арцыбiскупа Уладзiмiра Сцернюка на тэму “Уладыка Уладзiмiр i легалiзацыя
катакомбнай Украiнскай Грэка-каталiцкай Царквы”. Навукоўцы абмеркавалi пытанне
аб асаблiвасцi служэння бiскупаў катакомбнай Царквы, дзейнасць законнiкаў у часы падполля
i засяродзiлi ўвагу на ролi арцыбiскупа Уладзiмiра ў аднаўленнi яе структур. Прэзiдэнт
Украiны Вiктар Юшчанка накiраваў удзельнiкам семiнара прывiтальную тэлеграму. Наша
даведка: арцыбiскуп Уладзiмiр Сцернюк нарадзiўся 12 лютага 1907 года ў Пустамытах,
непадалёк ад Львова. Пасля заканчэння вучобы ў Львове i Бельгii i ўступлення ў закон
айцоў-рэдэмптарыстаў быў высвячаны ў святары. У 1947 годзе ён быў арыштаваны i правёў
у сталiнскiх лагерах пяць гадоў. У 1964 годзе а.Уладзiмiра высвяцялi ў бiскупы. З
1972 да 1991 года ён узначальваў УГКЦ. Гэта былi годы жёрсткiх пераследаванняў i барацьбы
за вызваленне напрыканцы 80 гадоў мiнулага стагоддзя. Будучы пастырам i харызматычным
лiдэрам падпольнай Царквы, арцыбiскуп Уладзiмiр кiраваў ёй з аднапакаёвай камунальнай
кватэры ў Львове. Памёр ён 29 верасня 1997 года. За ягонай труной па вулiцах Львова
прайшла вялiкая працэсiя вернiкаў. 7 лютага бягучага года члены Сынода бiскупаў
Кiева-Галiцкага Вярхоўнага арцыбiскупства прынялi рашэнне аб пачатку працэса беатыфiкацыi
арцыбiскупа Уладзiмiра Сцернюка.