Аўстрыя: біскупы аб Апостальскім Падарожжы Папы Бэнэдыкта 16 у іхнюю краіну
Сьвяцейшы Айцец прыняў і зацьвердзіў запрапанаваную Аўстрыйкім Эпіскапатам уступную
праграму сваёй пілігрымкі ў гэтую краіну. Папа мае прыляцець у Вену 7-га верасьня.
Каля поўдня будзе старшынстваваць малітве ў цэнтры гораду. Гэтага самага ж дня сустрэнецца
таксама з прадстаўнікамі публічнага жыцьця. У суботу 8-га верасьня Бэнэдыкт 16 адправіцца
ў Мар”яцэль, дзе будзе старшынстваваць Эўхарыстыі з нагоды 850-га юбілею гэтае сьвятыні.
Пасьля абеду сустрэнецца з духавенствам. У нядзелю 9-га верасьня Папа адслужыць Сьвятую
Імшу ў венскай катэдры Сьвятога Сьцяпана, а вечарам вернецца ў Рым. Апублікаваньне
афіцыйнае праграмы візіту Папы ў Аўстрыю трэба спадзяцца толькі летам гэтага году.