Plani i Kosovës në duart e Ban Ki Mun. Fjala "pavarësi" në tekst, por jo për statusin.
(16.03.07 RV)Plani i Ahtisarit për Kosovën i është dorëzuar dje Sekretarit
të Përgjithshëm të OKB-së, Ban Ki Mun. Qe Albert Rohan, zëvendësi i kryenegociatorit
të OKB-së, ai që dorëzoi propozimin përfundimtar, përmbajtja e të cilit nuk është
bërë e njohur. Ban Ki Mun do ta studiojë atë thellësisht para se ta dorëzojë në Këshillin
e Sigurimit të OKB-së. Ndërkaq, komentet e shumta, si të shqiptarëve të Kosovës,
ashtu edhe të serbëve lënë të kuptojnë se në përkufizimin e statusit përfundimtar
të Kosovës nuk është përdorur fjala “pavarësi”, por i është referuar asaj në pjesë
të tjera të dokumentit. Duke folur për agjensinë e lajmeve “Fonet”, ministri i jashtëm
serb, Vuk Drashkoviç siguron se plani i Ahtisarit parashikon pavarësinë e plotë të
Kosovës, me një fazë kalimtare, gjatë së cilës do të vazhdojë të jetë i pranishëm
UNMIK-u. Rusia, ndoshta do të përdorë veton kundër një zgjidhjeje të tillë, por për
këtë akoma nuk e ka informuar Beogradin, shpjegoi Drashkoviç. Ndërkaq, Sekretari
i përgjithshëm i NATO-s, Jap de Hop Shefer, nga Sarajeva ku ndodhet, hodhi poshtë
mundësinë e shpërthimit të dhunës në Kosovë dhe të përhapjes së saj në pjesët e tjera
të rajonit. Më hollësisht për reagimet e kosovarëve nga informon Rabije Ibraj nga
Prishtina….