(15.03.2007 RV)Ky është titulli i një dokumentari mbi tragjedinë e mijërave
njerëzve të zhdukur në Liban e të mbyllur ndër burgjet siriane. Fenomeni, i nisur
30 vjet më parë, që nga pushtimi i parë i Damaskut në vendin e Kedrave, frymëzon një
film-dokumentar prekës, në të cilin përmblidhen dëshmitë e ish të burgosurve e të
famijarëve të atyre që vuajnë akoma në pranga. Në mikrofonin tonë – drejtori i dokumentarit,
Rozher Bu Shahin: Përgjigje:
- Në Liban numrohen 17 mijë të humbur që nga fillimi i luftës e deri më sot e
ne nuk mund as t’ia vinim fajin sirianëve. Në sa sot, duke pasur dëshmitë, duke pasur
provat, duke pasur njohjen e këtyre provave nga OKB-ja, nga Amnesty International
e nga Bashkimi Evropian për ekzistencën e libanezëve ndër brugjet siriane, në sa regjimi
e mohon kategorikisht këtë, mund të themi se njerëzimi nuk mund ta injorojë më këtë
të vërtetë. E ne nuk mund të mos e denocojmë këtë argument, nuk mund të mos e bëjmë
problem urgjent të çdo politikani, të çdo diplomati, të çdo shoqate të të drejtave
të njeriut që shkon në Liban, që shkel në Siri, sepse kjo tragjedi nuk mund të lihet
në heshtje. Është fjala për qindra njerëz që vuajnë ndër tortura, që s’e dimë janë
gjallë apo kanë vdekur…. Pyetje: - Si është e mundur që bashkësia ndërkombëtare
të mos ndërhyjë për të zgjidhur një problem kaq tragjik? Përgjigje: - E
dimë se ka shkaqe politike, prandaj nuk duam të nisemi nga dramaticiteti i këtij problemi
e ta bëjmë argument jo politik. Dëshirojmë t’i bëjmë thirrje Kryqit të Kuq italian
e Kryqit të Kuq ndërkombëtar, për të filluar një veprimtari konkrete ndaj regjimit
sirian, për të zbuluar të vërtetën, për të hetuar; e kërkojmë edhe të krijohet një
komision ndërkombëtar që kjo tragjedi, me ndihmën e Italisë e të OKB-së, të bëhet
problem për regjimin sirian.