Адкрыецца філіял Беластоцкага Унівэрсытэту ў Вільні
У Вільні будзе адчынены філіял Беластоцкага ўнівэрсытэту. Пра патрэбу польскай навучальнай
установы ў Летуве кажацца ўжо апошнія 20 гадоў. Пасьля доўгіх дыскусіяў летувіская
ўлада згадзілася на адкрыцьцё ўнівэрсытэту ў Вільні. Будзе гэта першы замежны філіял
дзяржаўнага ВНУ ў Летуве. З кастрычніка пачнуцца заняткі па эканоміцы й інфарматыцы.
У будучыні плянуецца эўрапэістыка й сацыялёгія. Навучаньне будзе працягвацца тры гады,
на абодва факультэты прадугледжана па 90 месцаў. Мяркуецца, што студэнтамі філіялу
Беластоцкага ўнівэрсытэту ў Вільні будуць выпускнікі польскіх школаў. Галоўным чыньнікам
прыняцьця на навучаньне будзе добрае веданьне польскай мовы. Выкладаць будуць прафэсары
зь Беластоку, але паступова будуць зьяўляцца мясцовыя выкладчыкі.