Socialistët parlajmërojnë zgjedhje të parakoshme në Shqipëri, por bashkësia ndërkombëtare
kundërshton.
(14.03.07 RV)Kryetari i Partisë Socialiste në Shqipëri, Edi Rama paralajmëron
zgjedhje të parakohshme brenda vjeshtës së këtij viti. Në fjalën e mbajtur në Asamblenë
e Përgjithshme të kësaj partie, Rama theksoi se ekziston mundësia që selia rozë të
heqë dorë nga ky qëllim nëse Partia Demokratike pranon të kryejë 5 reforma: reformën
zgjedhore, krijimin e hartës administrative, reformën e drejtësisë, atë të decentralizimit
dhe të administratës publike. Perspektiva e zgjedhjeve të parakohshme është kundërshtuar
fuqimisht nga bashkësia ndërkombëtare, për shkak të rrezikut të rëndimit të krizës
politike në vend. Gjendja aktuale ligjore nuk lejon zhvillimin e zgjedhjeve sipas
standarteve të demokracisë perëndimore. Së pari, duhet të krijohet një gjendje civile
e azhornuar, nga e cila të dalin lista të sigurta zgjedhësish. Njëkohësisht, bashkësia
ndërkombëtare vë në dukje se së shpejti do të votohet për presidencën. Mazhoranca
aktuale e djathtë në parlament nuk i ka votat për zgjedhjen e një kandidati të saj,
pa konsensusin e të majtëve. Është urgjente një marrëveshje për këtë ndërmjet pozitës
dhe opozitës, përndryshe ligji parashikon shpërndarjen automatike të parlamentit dhe
thirrjen e zgjedhjeve të reja, me rreziqet që përmendëm.