Ambasadorët perëndimorë i kërkojnë Shqipërisë reformën e ligjit elektoral.
(13.03.07 RV)Sot, një ditë pas ndryshimeve në qeveri, ambasadorët perëndimorë
të akredituar në Tiranë, kanë kritikuar opozitën, e cila të dielën e kaluar u tërhoq
nga zgjedhjet e Shijakut. Në një deklaratë, nënshkruar nga ambasada e SHBA-ve, nga
përfaqësitë e Bashkimit Evropian dhe të OSBE-së e nga ambasadori italian e ai gjerman,
theksohet se “bojkotimi dhe obstruksionizmi në zhvillimin e zgjedhjeve të ligjshme,
nuk përkojnë me vlerat euroatllantike të demokracisë”. Ambasadorët i kërkojnë qeverisë
të fillojë menjëherë reformën elektorale, për të cilën vendi ka shumë nevojë.