Të thellohen lidhjet e miqësisë ndërmjet popullit kinez e mendimit të krishterë.

(09.03.2007 RV)Këtë uron Papa në një telegram drejtuar takimit kushtuar Mateo Riçit, mbajtur në Universitetin e Maçeratës, në Itali. Gjatë këtij takimi u fol kryesisht për figurën madhore të jezuitit Mateo Riçi, pionier i lidhjes së kinezëve me krishtërimin dhe për trashëgiminë e tij në Kinën e shekullit XXI, gjë që – siç theksoi Papa në telegramin, nënshkruar nga sekretari i Shtetit të Vatikanit, kardinali Bertone – mund të favorizojë një dialog të suksesshëm ndërmjet kulturës kineze e asaj evropiane.