Pas 16 vjetësh kardinali Kamilo Ruini largohet nga detyra e kryetarit të Konferencës
Ipeshkvnore Italiane.
(07.03.2007 RV)Në vend të tij Papa emëroi kryeipeshkvin e Gjenovës, imzot Angjelo
Banjaskon. Ky emërim u njoftua njëkohësisht nga Salla e Shtypit e Vatikanit, nga
zyrat qëndrore të KII dhe nga dioqeza e Gjenovës. Imzot Banjasko lindi në Ponteviko,
në provinçën e Breshies, më 14 janar 1943. U shugurua meshtar më 29 qershor 1966.
Pas diplomimit në filozofi pranë Universitetit të Gjenovës, ushtroi detyrën meshtarake
në famulli e pranë Fakultetit teologjik të Italisë veriore. Më 2003 u emërua kryeipeshkëv
ushtarak për Italinë, ndërsa më 29 gusht 2006, kryeipeshkëv metropolit i Gjenovës.