Papa Benedikti XVI priti në audiencë Kryetarin e Parlamentit të Kosovës, Kolë Berishën
(07.03.2007 RV)Sot Kryetari i Kuvendit
të Kosovës, Kolë Berisha u takua me Papën Benedikti XVI në Vatikan. Kryeparlamentari
Berisha e informoi Atin e Shenjtë për procesin nëpër të cilin po kalon Kosova dhe
për të ardhmen e saj. Para se të nisej, Berisha e vlerësoi shumë këtë takim, duke
pasur parasysh ndërmjetësimin e Vatikanit në proceset ndërkombëtare. Prandaj gjatë
takimit të sotëm, Kryeparlametari i Kosovës kërkoi nga Papa Benedikti XVI të përdorë
ndikimin dhe fuqinë e tij në qendrat e vendosjes për zgjidhjen e statusit final të
Kosovës. Kryeparlamentari Berisha shpreson se Vatikani do të ndërmjetësojë për Kosovën.
Kjo është hera e dytë brenda gjashtë muajve që Kryeparlamentari Berisha e viziton
Selinë e Shenjtë në Vatikan,në emër të Ekipit të Unitetit.Të dëgjojmë intervistën
që zoti Kolë Berisha i dha kryeredaktorit të programit shqip pranë Radio Vatikanit,
dom David Gjugjës: