Ahtisari u paraqet palëve ndryshimet në planin për statusin.
(07.03.07 RV)Sot, kryenegociatori i OKB-së për statusin e Kosovës, Marti Ahtisari
u ka dorëzuar serbëve dhe kosovarëve ndryshimet në planin e tij, që marrin parasysh
vërejtjet e dala nga mbledhjet e Vjenës. Nuk është bërë publike se cilat janë, por
palët do të mund të flasin për këtë në mbledhjen e fundit, më 10 mars në Vjenë. Mbrëmë,
përfaqësuesi evropian për Politikën e Jashtme, Havier Solana sqaroi se vendimin e
fundit për statusin e Kosovës do ta marrë Këshilli i Sigurimit i OKB-së, dhe palët
duhet ta pranojnë atë.