Liturgjia e Fjalës së Zotit e dielës së 2-të të Kreshmeve “C"
(03.03.07 RV) Ja përsëri në takimin tonë javor të së shtunës me Fjalën e Zotit
të së dielës, kësaj herët do të dëgjojmë dhe meditojmë së bashku leximet biblike të
dielës së dytë të kohës së Kreshmeve, ciklit të tretë, sipas kalendarit liturgjik
të Kishës. Leximet biblike të kësaj së diele të dytë të Kreshmeve flasin për dëftimet
e mëdha të Zotit: dëftimi i marrëdhënies së besnikërisë që e lidhë Zotin me njeriun
në personin e Abrahamit, dëftimi i cakut e fatit të lavdishèm në krishtin që “na ka
shndërruar në korpin e vet të lavdishëm” sipas porosisë së Palit drejtuar Filipianëve
dhe së fundi dëftimi i hyjnisë së Krishtit “Birit të zgjedhur” në Shndërrimin mbi
Malin Tabor. Kështu, pas tundimeve të Krishtit, për të cilat foli Ungjilli i
dielës së kaluar, dielës së parë të Kreshmeve, në këtë diele të dytë, ungjilli na
paraqet Shndërrimin e Krishtit ; në përjetimin e parë dhe këte të dytin kemi një aspekt
e pjesë të përbashkët: është lutja. E derisa po lutej, - Shpirti e solli -, e djalli
filloj ta tundonte Jezusin; dhe akoma derisa Jezusi është në lutje, zbulohet e shfaqet
hyjnia e tij. Me lutje ngadhënjejmë dhe mposhtim të këqijat, sepse kush lutet
e ka në zemër e në duarë gati gati të njëjtën fuqi të gjithëpushtetshme hyjnore; me
lutje realizohet kthimi jonë nga mëkati në hirin e Zotit, të qenurit tonë njerëzor
kalon në të qenurit mbinjerëzor, që plotësohet përkundëra të gjitha pengesave e vështirësive.
Ungjilli i Lukës na zbulon në mënyrë të posaçme këtë vazhdimësi; elementin e lutjes
do ta gjejmë në mënyrë krejt të jashtëzakonshme në uratën mbi Golgotë ku lutja i jepë
Jezusit forcën ta pranoj, në errësirën e braktisjes së Atit, vullnetin e tij hyjnor.
Ungjilltare më tej na thotë se dishepulli nuk ka tjetër kënd që ta kërkojë apo dëgjojë
përveç Jezusit. Vetëm atë. Pjesa Ungjillore e kësaj së diele na fton të ecim bashkë
me Krishtin drejt malit të shenjtë për të kundruar fytyrën e tij të lavidshme. Duke
vështruar Jezusin e shndërruar në shkëlqimin e lavdisë së tij mbi malin Tabor, ne
nxitemi, mbushemi me shpresë që edhe ne do t’ia arrijmë lavdisë së jetës së përjetshme
e do të shndërrohemi bashkë me Të në amshim. Me shndërrimin e vet, Jezu Krishti na
kumton ngjalljen e tij e na tregon se edhe ne jemi të paracaktuar të jemi e të bëhemi
pjesë e lavdisë së tij hyjnore të qiellit. Tani e përjetojmë mundimin, e pësojmë peshën
e jetës së përditshme, por jemi të nxitur, jemi të frymëzuar, jemi të mbështetur
e të shndërritur nga shpresa e jetës së amshuar, në të cilën Zoti na ka thirrur. Ungjilli
(Lk 9,28-36) i kësaj së diele të dytë të Kreshmeve që paraprijnë e përgatisin Pashkët,
na paraqet Jezusin në udhëtim drejt Jerusalemit, drejt pagëzimit të kryqit; në një
ndales gjatë udhëtimit, tre dishepujt e tij do të kenë mundësinë ta kundrojnë (sodisin)
Mësuesin e shndërruar në lavdi. Edhe ne kemi të njëjtin cak e fat të lavdishëm, pohon
leximi i dytë i kësaj së diele nga letra e Shën Palit drejtuar Flipianëve (Fil 3,17-4,1)
ndërsa Abrahami në leximin e parë të liturgjisë së Fjalës së dielës( Zan 15,5-12.17-18)
mund të kundërojë fatin e cakun në të cilin Zoti e thërret, dmth. të bëhët ati (babai)
i trashëgimtarëve të panumërt. Në këtë të diele të dytë të Kreshmeve, leximet
biblike na propozojnë e dorëzojnë një përvetim, eksperiencë të gëzuar, të ngazëlluar.
Dishepujt, para se ta njohin Jezusin Shërbëtorin e munduar e të vuajtur, kanë një
vegim, një pamje të shkurtër por të fortë, të thellë, të lavdisë së tij. Në fytyrën
e Birit të Njeriut është ( e shohin) shfaqjen, dëftimin e lavdisë së Zotit. Në fytyrën
e shpërfytyruar e të munduar të sa e sa vëllezërve tanë duhet të bëjmë të shkëlqejnë
rrezet e lavdisë të të shëlbuarëve.
Homelia : e diela II e Kreshmeve
Viti C Zan 15,5-12.17-18; Ps 26; Fil 3,17-4,1; Lk 9,28-36
Te dashur vellezer
e motra kemi hyre tashme ne rrugetimin dyzetditor te krezhmeve. Jemi ne te djelen
e dyte te kesaj kohe te forte e Liturgjia na porosit te ndjekim Krishin me tre prej
dishepujve te tij, Pjetrin, Gjonin e Jakobin, mbi malin e shnderrimit. Ungjilli i
Lukes na thote se Jezusi i mori me vete keta dishepuj dhe u ngjit ne mal per t'u lutur.
Shpeshhere e shohim Krishtin ne Ungjill qe hiqet menjane dhe lutet e sidomos ne
caste shume te rendesishme te jetes se tij. Kesaj rradhe merr me vete edhe tre nga
dishepujt e tij, pasi ka dicka per t'u treguar. Po cfare do t'u tregoje ai dishepujve
te tij? “Ndersa lutej, fytyra e tij nderroi pamje dhe veshjet e tij u bene te bardha
dhe te shndritshme.”. Jezusi shnderrohet ne syte e dishepujve te tij. Ata shohin aty
nje Jesus tjeter teresisht te shnderruar e prane tij Moisiun dhe Eline, Ligjin dhe
profetet, qe flasin me te. Jemi ne kapitullin e nente te ungjillit te Lukes. Duhet
ende kohe qe te shohim driten e ringjalljes, megjithate Jezusi u jep dishpejuve te
vet mundesine te shijojne para te tjereve ate cka do te jete ne diten e trete pas
vdekjes se tij. Gjithashtu theksohet se ai fliste me Moisiun dhe Eline per nisjen
e tij, per shtegtimin qe ai do te kryente ne permbushje te vullnetit te Atit. Prej
atij momenti ne te njejtin kapitull te ungjillit te Lukes ne gjejme fjalet “Ndersa
po permbusheshin ditet kur do te hiqej nga kjo bote, u drejtuar me vendosmeri drejt
Jeruzalemit...”. Megjithate ky eshte nje cast perteritje, nje ndalese per Jezusin
dhe per dishepujt e tij para zbritjes nga Mali ku i priste nje turme e madhe. Eshte
nje oaz para rifillimit te udhes drejt Mundimit. Do doja te vecoja dy elemente
qe mund te na ndihmojne per te jetuar sa me mire keto krezhme. Se pari Jezusi merr
dishepujt t ij menjeane per t'u lutur. Ne zhurmen dhe hutimin e jetes se perdisthme
eshte me se e nevojshme te gejjme kohen dhe vendin per te qendruar bashke me Zotin
e per t'u lutur. Lutja eshte nje bisede me Zotin, shume e cilter, balle per balle,
shpeshere ne heshtje, shpeshere duke degjuar se cfare na thote ai e shpeshhere duke
i thene ne atij se per cfare kemi nevoje. Si mund te behete me mire kjo lutje? Nje
rruge eshte ajo qe na ka treguar vete Jezusi ne ungjillin e sotem. Duke folur me Mosiun
dhe Eline Jezusi na tregon rendesine e Ligjit dhe te profeteve qe ne i gjejme te shkruar
ne Beslidhjen e vjeter. Duke lexuar Shkrimin e shenjte, qe eshte fjala e Zotit, ne
kuptojme dhe njohim Krishtin per te cilin kane folur te gjithe profetet. Atehere leximi
i shkrimit te shenjte eshte dialogu me Fjalen e Zotit. Aty zbulojme se cfare do te
thote Zoti per ne e cfare duhet te bejme ne per te. Nuk eshte e mundur te perballohet
rrugetimi i ketyre krezhmeve por ne pergjithesi i jetes tone pa kete takim me Zotin.
Aty ne marrim force, aty zbulojme dhe shohim qarte jeten tone, rrugen qe kemi bere
dhe qe duhet te bejme. Te njohesh Shkrimin do te thote te njohesh Krishtin qe eshte
fjala e Zotit e bere njeri. Kjo eshte lutja me e bukur. Kete mundesi e kemi cdo te
djele ne meshen e shenjte, por mund t'ja krijojme vetes qofte edhe duke lexuar nje
pjese te perdisthme te shkrimit te shenjte. Megjithate, sido qe te jete lutja jone
eshte e nevojshme qe herepashere te shkeputemi dhe te bashkohemi me Zotin ne nje menyre
me te vecante, me te thelle. Krezhmet jane nje rast shume i mire. Si mund te pretendojme
se e duam Zotin nese nuk rrime me te, nese nuk gjejme kohen dhe mundesine, nese nuk
mvbyllim deren e dhomes tone dhe aty rrime me Atin tone e i hapim atij zemren per
gjithcka. Nuk eshte kurre vone, as tani qe kane filluar kreshmet. Nga kjo e djele
mund te fillojme te gjejme pak kohe per t'ja kushtuar vetem Atij. Ai ka dicka per
te na thene e per te na treguar. Se dyti vetem ne marredhenie me Krishtin ne zbulojme
fytyren e tij dhe shohim veten tone te shnderruar. Me kete ngjarje ne malin Tabor
dishepujt marrin nje mesim te mire, marrin guxim per te ecur perpara dhe per te perballuar
udhetimin qe i pret. Do te jete nje udhetim i gjate dhe shume i lodhshem. Madje do
t'i gjeje te dobet ne castin e proves. E megjithate Jezusi do t'i pergatise me se
miri ne menyre qe ata te perforcojne vellezerit e tjere. Marrdhenia me Krishtin eshte
shnderruese per jeten e njeriut. Nje njeri qe takon Krishtin ne jeten e tij, nuk mund
te jete me ai qe ka qene. Jeta e tij do te nderroje pergjithmone. Por mund te ndodhe
shpeshshere qe ajo fare e mbjelle ne jeten tone, mund te mbytet nga grami i mekateve
tona apo i mendjelehtesise tone. Mund te ndodhe qe, atehere kur mendojme se dime gjthcka
dhe se jemi te forte, te biem e te rrezohemi. Per kete arsye eshte e nevojshme qe
te kujtohemi per te gjitha momentet ne te cilat kemi perjetuar gezimin e jetes me
Zotin, kur fytyrat tona kane shndritur prej gezimit te Zotit te pranishem ne jeten
tone. Shnderrimi i Jezusit ka per qellim sigurisht t'u tregoje dishepujve lavdine
e Hyut nepermjet Jezu Krishtit, por nga ana tjeter do edhe te tregoje se cfare do
te jete jeta jone me te, jeta e Kishes me te. Shen Pali na thote ne leximin e dyte
se “Jezu Krishti...do te shnderroje trupin tone te mjere per ta bere si trupin e tij
te lavdishem, per shkak te pushteti qe ai ka per te nenshtruar te gjitha gjerat”.
Shnderrimi eshte pra edhe nje premtim i cili shtyn dhe i jep force shtegtimit
tone ne kete kohe krezhmesh. I ngjan premtimit qe nxorri Abrahamin nga toka e tij
drejt tokes qe Zoti i kishte premtuar dhe qe ai e besoi e kjo ju quajt drejtesi. Ne
Krishtin plotesohen te gjitha premtimet e Hyut e sidomos premtimi i jetes se pasosur,
ne mbreterine e qiellit. Ja cfare na thote shen Leoni i madh ne fjalimet e tij
mbi kete premtim “Prej shpalljes se ungjillit u fuqizofte besimi ne ju te gjithe e
askush te mos kete turp prej kryqit te Krishtit, nepermjet te cilit bota u shelbua.
Askush te mos ngurroje te vuaje per drejtesine, askush te mos dyshoje se do te marre
shpreblimin e premtuar, sepse nepermjet lodhjes kalohet ne pushim dhe nepermjet vdekjes
kalohet ne jete. Duke pas marre ai persiper gjendjen tone, edhe ne, nese do te qendrojme
ne shpalljen tij dhe ne dashurine e tij, do te jemi pjese e fitores se tij dhe do
te marrim cmimin qe na eshte premtuar.” Te dashur vellezer e motra, me shume se
kurre sot ne te krishteret kemi nevoje te besojme, edhe ndermjet shume dyshimesh e
pasigurishe. Kemi nevoje dhe detyre te ndjekim Krishtin ne rrugen e shenjterise. Askush
ndodhta nuk do t'u besoje fjaleve tona, askush nuk do te lexoje ndoshta tekstet tona,
por te gjithe do te shohin shenjterine tone. E kjo shenjteri ka nje cmim, sepse eshte
nje shenje e forte, ne pjesen me te madhe te rasteve nje shenje kundershtie. Kjo shenjteri
vjen nga takimi me Krishtin, sepse aty do te shihet shkelqimi i fytyrave tona te shnderruara.
Shikoni cfare buzeqeshje e e cfare ciltersie ka ne fytyren e nene Terezes, ne fytyren
e Gjon Palit II, njerez jo shume larg kohes tone, madje bashkohesit tane qe Kisha
po i ngre dalengadale ne nderin e altarit. Te dime te veme shkelqimin e malit bashke
me mundimin e jetes se perditshme. Ta lejojme Krishtin qe te shfaqet ne syte e bashkohesve
tane. E kete mund ta bejme vetem ne qe jemi prane tij e keshtu do te kete edhe te
tjere qe do te afrohen prane tij. Po e mbyll me lutjen e fillimit qe do te degjojme
ne meshen e te djeles: “O Hyj, qe na ke thene te degjojme Birin tend te dashur,
ushqeje besimin tone me fjalen tende dhe pastroji syte e shpirtit tone, qe te gezojme
pamjen e lume te lavdise tende. Neper Krishtin Zotin tone. Amen”