Ahtisaari propozon takim të ri më 10 mars për arritur njëmarrëveshje mbi statusin
e Kosovës, pas dështimit të negociatave të Vjenës
(02.03.07 RV)I ngarkuari i veçantë
i Kombeve të Bashkuara për Kosovën, Martti Ahtisaari, ka propozuar për datën 10 mars
një takim tjetër të nivelit të lartë në të cilin ka thirrur liderët shqiptarë e serbë
për të provuar për herë të fundit arritjen e një marrëveshjeje për të ardhmën e Kosovës,
por ka pranuar edhe personalisht se bëhët fjalë për një ndërmarrje të skajshme e tejet
të vështirë. “E kam për detyrë të jem i ndershëm e të themë se mbi çështjen kyçe të
statusit, palët kanë mbetur në qëndrimet diametralisht të kundërta”, ka shpjeguar
Ahtisaari në përfundim të raundit të negociatave në Vjenë, që sot zgjaten vetëm dy
orë. I ngarkuari i OKB-së ka shpjeguar se i ka ftuar presidentet dhe kryeministrat
e Kosovës e të Serbisë për të marrë pjesë në mbledhjen e “fundit” të 10 marsit e për
të gjetur një marrëveshje in extremis para se ti dorëzojë planin e vet mbi të ardhmën
e Kosovës Këshillit të sigurimit të OKB-së. Ish presidenti finlandez ka shpjeguar
se është i gatshëm të bëjë “disa” ndryshime planit të paraqitur më 2 shkurtin e kaluar,
i cili i ofron Kosovës udhën drejt pavarësisë nën mbikëqyrjen ndërkombëtare, në bazë
të vërejtjeve që kanë dalur gjatë negociatave dy javore në Vjenë. Amendamentet do
ti transmetohen Prishtinës e Beogradit për ti shikuar para takimit që është në program
javën e ardhshme më 10 mars. Ahtisaari duhet t’i paraqes planin e vet Këshillit të
sigurimit brenda këtij muaji.Po nga Prishtina të ndjekim shërbimin e Rabie Ibrajt