Pa marrëveshje dita e sotme mbi sigurinë në bisedimet serbo-kosovare të Vjenës.
(01.03.07 RV) Vazhduan sot në Vjenë bisedimet ndërmjet Prishtinës dhe Beogradit
për statusin e Kosovës. Diskutimet e sotme u përqëndruan në çështjet e sigurisë. Që
para nisjes se takimit, palët janë shprehur me qendrime të kundërta. Sipas kosovarëve,
Prishtina është gati të formojë forcat e veta të armatosura, por pranon gjithashtu
edhe forcat ushtarake ndërkombëtare në vend. Ndërsa ekipi serb ka propozuar që dispozita
të tilla të hiqen, pasi cënojnë sovranitetin e Serbisë. Propozimi i Ahtisarit
parashikon që forcat e KFOR-it të mbeten në Kosovë, për të siguruar rendin, për të
mbikqyrur forcat e sigurisë së Prishtinës, për formimin e të cilave do të ndihmojnë
me të gjitha mjetet.