Familja dhe martesat e përziera janë në qendër të mbledhjes së presidentëve të konferencave ipeshkëvnore katolike të jug-lindjes së Evropës.

(01.3.07. RV) Familja dhe martesat e përziera janë në qendër të punimeve të javës së mbledhjes së presidentëve të konferencave ipeshkëvnore katolike të Jug-lindjes së Evropës, në program deri më 4 mars në Oradea të Rumanisë. Në këtë mbledhje marrin pjesë kryetarët e Konferencave ipeshkëvnore të Shqipërisë, Bosnjës-Hercegovinës, Bullgarisë, Greqisë, Rumanisë , Serbisë, Malit të Zi, Maqedonisë e Turqisë. Takimi organizohet nga Këshilli i Konferencave Ipeshkëvnore të Evropës.