Чарговыя старонкi з Кампендiума сацыяльнай дактрыны Каталiцкай Царквы.
а) Важнасць сямьi для асобы. 212 Сямья надзвычай важная для асобы. У гэтай
калысцы жыцця i любовi чалавек нараджаецца i расце: калi нараджаецца дзiця,
грамадства атрымлiвае ў дар новую асобу, якая “у сярэдзiне сябе адчувае паклiканне
мець зносiны з iншымi i дарыць сябе iншым”. Такiм чынам, у сямье ўзаемная самааданасць
мужчыны i жанчыны, аб’яднаных шлюбам, стварае жыццёвае асяроддзе, у якiм дзяця мае
магчымасць “развiваць свае здольнасцi, паступова разумець сваю годнасць i рыхтавацца
да спаткання з уласным i непаўторным лёсам”. У атмасферы натуральнай сувязi,
якая злучае членаў сямьi, асоба набывае прызнанне i прыймае на сябе адказнасць: “Першая
i асновапалягаючая структура “чалавечай экалогii” – гэта сямья, ва ўлоннi якой чалавек
атрымлiвае першапачатковае разуменне аб праўдзе i дабрынi, пазнае, што значыць любiць
i быць любiмым i, такiм чынам, што значыць канкрэтна быць асобай”. Бо абавязкi членаў
сямьi не абмежаваныя ўмовамi дагавора, але паходзяць з самой яе сутнасцi: сямья заснавана
на шлюбным саюзе i структуравана адносiнамi, якiя паходзяць ад нараджэння цi ўсынаўлення
дзяцей. б) Важнасць сямьi для грамадства 213 Сямья, натуральная суполка,
у якой здзяйсняецца чалавечая сацыяльнасць, уносiць унiкальнае i неадменнае ўкладанне
ў дабрабыт грамадства. Бо сямейная суполка нараджаецца са зносiнаў асобаў: “Тэрмiн
“зносiны” тычыцца асабiстых адносiнаў памiж “я” i “ты”. А тэрмiн “грамадства” выходзiць
за рамкi гэтай схемы i наблiжаецца да “грамадства” да “мы”. Таму сямья , суполка
асобаў ёсць першай чалавечай суполкай”. Грамадства, пабудаванае на ўзор сямьi,
- найлепшая гарантыя супраць адхiленняў у iндывiдуалiзм цi калектывiзм, таму што ў
падобным грамадстве асоба заўсёды знаходзiцца ў цэнтры ўвагi як мэта i нiколi невыкарыстоўваецца як сродак. Зусiм вiдавочна, што дабрабыт асобаў i добрае
функцыянаванне грамадства шчыльна злучаны “з добрым станам сужонскай i сямейнай еднасцi”.
Без сямейных сувязяў, моцных сваёй еднасцю i верных сваiм абавязкам, народы робяцца
больш слабымi. У сямье дзiцяцi надаюцца з первых гадоў жыцця маральныя каштоўнасцi,
перадаецца духоўная спадчына рэлiгiйнай суполкi i культурная спадчына нацыi. Сямья
– гэта школа сацыяльнай адказнасцi i салiдарнасцi. 214 Трэба сцвярджаць прыарытэт
сямьi ў адносiнах да грамадства i Дзяржавы. Бо сямья, дзякуючы ўласнай пракрэатыўнай
функцыi, робiцца ўмовай самога iх iснавання. Iншыя яе функцыi, накiраваныя на дабро
кожнага з яе членаў, пераўзыходзяць па важнасцi i вартасцi тыя функцыi, якiя павiнны
ажыццяўляць грамадства i Дзяржава. Сямья, суб’ект неадрыўных праў, набывае легiцiмацыю
ў чалавечай натуры, а не ў прызнаннi з боку Дзяржавы. Такiм чынам, не сямья для
грамадства i Дзяржавы, але грамадства i Дзяржава для сямьi. Нiякая сацыяльная
мадэль, накiраваная на служэнне дабру чалавека, не можа iгнараваць цантральны стан
i сацыяльную адказнасць сямьi. А грамадства i Дзяржава, будуючы адносiны з сямьёй
забавязаны прытрымлiвацца прынцыпа субсiдыярнасцi. На падставе гэтага прынцыпа
грамадскiя ўлады не павiнны аддымаць у сямьi тыя задачы, якiя яна можа добра адольваць
уласна цi ў свабодным аб’яднаннi з iншымi семьямi; з iншага боку, тыя ж улады павiнны
падтрымлiваць сямью, даючы ёй усю дапамогу, у якой яна мае патрэбу дзеля годнага выканання
ўсiх сваiх абавязкаў. II Шлюб – аснова сямьi. а) Вартасць шлюбу 215 Сямья
заснавана на свабодным намеры сужонцаў аб’яднацца ў шлюбе, на павазе да сэнсаў i вартасцяў,
якiя мае гэты iнстытут, якi залежыць не ад чалавека, але ад Самога Бога: “Гэтыя
святыя сувязi, якiя надаюцца дзеля дабра як сужонцаў i дзяцей, так i грамадства, не
залежаць ад чалавечага самавольства. Бо Сам Бог з’яўляецца Творцай шлюбу, якому нададзены
розныя даброты i мэты”. Такiм чынам, iнстытут шлюбу – гэта “глыбокая еднасць жыцця
i сужонскай любовi, якую Творца стварыў, надаўшы ёй уласныя законы”, - не паходзiць
ад чалавечых пажаданняў цi юрыдычных законаў, але забавязаны ўласнай стабiльнасцю
божаму пажаданню. Гэты iнстытут узнiкае, таксама i ў адносiнах да грамадства, “праз
чалавечае дзеянне, пры пасрэднiцтве якога сужонцы аддаюць адзiн iншаму самых сябе
i прыймаюць адзiн iншага”, i заснаваны на самой натуры сужонскай любовi: гэта любоў
– поўны i выключны дар, якi паходзiць ад асобы да асобы, - заахвочвае сужонцаў прыняць
на сябе неадрыўны абавязак, на што абодва публiчна даюць згоду. Гэты абавязак мае
на ўвазе, што адносiны памiж членамi сямьi павiнны будавацца таксама i ў духу справядлiвасцi,
а знаць, з улiкам iх праў i абавязкаў у адносiнах аднаго да iншага. 216 Нiякая
ўлада не можа адмовiць натуральнае права на шлюб цi змянiць ягоныя рысы i мэту. Бо
шлюб мае асабiстыя характэрыстыкi, асновапалягаючыя i трывалыя. Нягледзячы на
шматлiкiя змены, якiя адбывалiся на працягу стагоддзяў у розных культурах, сацыяльных
структурах i духоўных настроях, усе культуры маюць пэўную свядомасць годнасцi шлюба,
гэта не заўсёды выяўляецца з аднолькавай яснасцю. Трэба паважаць гэту годнасць з
яе асаблiвымi характырыстыкамi i баранiць ад усялякiх спробаў яе перакруцiць. Грамадства
не можа кiраваць шлюбным саюзам, праз заснаванне якога сужонцы абяцаюць адзiн iншаму
вернасць, дапамогу i прыняцце дзяцей, але мае права ўсталяваць яго грамадзянскiя наступства.