Sonte në Padovë të Italisë filloi cikli i takimeve krezhmore, kushtuar “Veprave të
mëshirës shpirtërore të Shën Andout”.
(27.02.2007 RV)Pas suksesit të plotë që pati vitin e kaluar, në Padovë rifilloi
edhe sivjet, në përgatitje për Pashkë, nisma “Në se Antoni do të rikthehej…”, organizuar
nga vullnetarët që ecin në gjurmët e Shenjtit, në bashkëpunim me dioqezën. Qëllimi
i takimeve, që do të vijojnë pesë të marte me radhë pranë sallës së studimit teologjik
të bazilikës së Shenjtit, është aktualizimi i predikimit të Shën Andout në formën
e takimit të specialistëve të veprimtarive fetare e shoqërore. Në këto takime ftohen
të marrin pjesë rregulltarë dhe laikë besimtarë, por edhe jo besimtarë të frymëzuar
nga shembulli antonian në përpjekjen për t’i dhënë përgjigje problemeve që duhet të
përballojë shoqëria e sotme. Sonte, në takimin e parë, u fol mbi detyrën për t’u dhënë
mësim njerëzve që nuk dinë as alfabetin e për t’u shpjeguar ç’njohuri kanë më shumë
vlerë për të përballuar jetën.