Ва Украiне ствараюцца цэнтры для дапамогi залежным ад алкаголю.
Цэнтры, дзе ўкраiнцам будуць расказваць аб небяспецы залежнасцi ад алкагольных напояў
i як гэтага пазбегнуць павiнны распачаць сваю працу ўжо да канца бягучага года. Установы
рэабiлiтацыi Царква плануе стварыць тады, калi знойдзе ахвярадаўцаў i неабходныя сродкi. “Пакуль
у нас толькi адзiн рэабiлiтацыйны цэнтр “Назарэт” каля Драгабыча. У кожнай Грэка-каталiцкай
епархii павiнны стварыць кансультатыўна-асветнiцкiя цэнтры, у якiх будуць працаваць
святары, псыхолагi i людзi, якiя пазбавiлiся ад алкагольнай залежнасцi i жадаюць дапамагчы
зрабiць гэта iншым. Там будзе весцiся перад усiм прэвiнтыўная праца, асаблiва з моладдзю”,
- сказаў доктар маральнага багаслоў’я адказны за “Рух за цвярозасць жыцця” Украiнскай
Грэка-каталiцкай Царквы святар Андрэй Логiн. Па яго словах, гэта дапаможа выхаваць
новае пакаленне людзей, якiя будуць весцi цвярозы лад жыцця. “Людзi не жадаюць
падпасць пад алкагольную залежнасць. Яна надыходзiць незаўважальна i тыя, хто трапляе
ў залежнасць, пазбаўляе сябе магчымасцi быць паўнацэнным членам грамадства”, - зазначыў
а.Андрэй. Алкагалiзм ва Украiне распаўсюджаны так шырока, што, па словах адказнага
за згаданы вышей рух, праблему барацьбы з iм трэба паставiць на першае месца ў дзяржаве.
У самой Царкве рух за цвярозасць павiнны аб’яднаць розныя камiсii. Да барацьбы з папулярнасцю
спiртнога УГКЦ заклiкае далучыцца таксама i сродкi масавай iнфармацыi. Для каардынацыi
працы ў кожнай епархii УГКЦ ужо ў блiжэйшы час правядуць спецыяльныя спатканнi з журналiстамi.