Sivjet meditimet për Udhën e Kryqit të së Premtes së Madhe do të jenë të imzot
Gjanfranko Ravazit.
(26.02.2007 RV)Udha e Kryqit, sipas traditës, do të kremtohet në Koloseo të
Premten e Madhe më 6 prill. Si çdo vit, do të kryesohet nga Papa. Ndërsa meditimet
e sivjetme do të jenë të imzot Ravazit, prefekt i Bibliotekës Ambroziane, biblist
e hebraist i njohur, profesor i ekzegjezës biblike në fakulttein teologjik të Italisë
së Veriut dhe anëtar i Komisionit Papnor Biblik. Vitin e kaluar, në Udhën e parë
të Kryqit, të kryesuar nga Benedikti XVI, meditimet ishin të imzot Angjelo Komastrit,
i cili pati nënvizuar se Udha e Kryqit na ndihmon të kuptojmë dramën e historisë e,
për më tepër, ne si besimtarë, na siguron se e Premtja e Madhe nuk është dita e fundit.
Dita e fundit është ajo e Pashkëve, dita e fitores të së mirës mbi të keqen, e dashurisë
mbi urrejtjen.