Pesë vjet më parë ndërroi jetë dom Gjergj Berisha.
(21.02.2007 RV)Dom Gjergji u lind në Binçë, në vitin 1947. Vijoi studimet në
shkolla të ndryshme civile e kishtare, sidomos në Kroaci, ku u përgatit për rrugën
në të cilën e kishte thirrur Zoti. Sapo u shugurua, filloi misionin meshtarak. Kryesisht
kreu detyrën e famullitarit të Becit, në komunën e Gjakovës. Pesë vjet më parë,
i gjithë kleri i dioqezit të Kosovës, me në krye Ipeshkvin Mark Sopi, qe mbledhur
në Doblibare, për salikimet e meshtarit të ndjerë. Dom Gjergji qe meshtar i zellshëm,
i përkushtuar në shërbim të Zotit, i gatshëm për t'iu pëgjigjur kujtdo kërkonte prej
tij fjalën e mirë, ndihmën në ditë të vështirë e, sidomos, Ungjillin e Krishtit. Ishte
bari i dashur për grigjën që i qe besuar, të cilën vijoi ta përforconte në fe deri
ditën që mbylli sytë në moshën 55 vjeçare, kur mund të bënte akoma shumë për besimtarët
e vet. U la trashëgim fenë e tij të gjallë, shembullin e shkëlqyer të meshtarit, që
duke u kujdesur në radhë të parë për nevojat shpirtërore, nuk i harron as ato materiale.
Dëshmi e zellit të tij misionar në fushën shoqërore është Ambulanca e re në fshatin
Doblibare, komuna e Gjakovës, e cila u përurua vetëm një javë para se famullitari
të mbyllte sytë për dritën e kësaj bote, pa kujtuar këtu veprimtaritë e shumta e të
përditshme në dobi të nevojtarëve, përmes Karitasit dhe shoqërisë së mirënjohur Kolping,
që ndihmon më të varfrit ndër të varfër.Trupi i tij pushon në paqe në varrezën e
Binçës.