“Чэрпайце заўсёды са Слова Божага i выяўляйце пакору, прызнаючы грэх у Царкве i ў
вашым жыццi”, - з такiмi словамi Свяцейшы Айцец Бенедыкт XVI° звярнуўся ў мiнулую
суботу да навучэнцаў Рымскай Вышейшай духоўнай семiнарыi, куды ён накiраваўся з вiзiтам
з нагоды свята яе нябеснай заступнiцы Мацi Божай Спадзявання. Адказваючы на пытаннi
семiнарыстаў, Папа падкрэслiў, як важна жыць Еўхарыстыяй, глядзець на пакуты як на
настаўнiка жыцця i не верыць таму, хто абяцае вясёлае i лёгкае жыццё. Памiж Бенедыктам
XVI° i семiнарыстамi адбылася сяброўская размова, у якой былi закранутыя пытаннi,
злучаныя з паклiканнем, з тым, як быць паслядоўнымi ў сваiм станоўчым адказе Збавiцелю.
Гэта быў шчыры дыялог, у якiм закраналiся нават такiя дэлiкатныя пытаннi, як грэх
i кар’ерызм у Царкве. “Як падыйсцi да рашэння падобных праблем найбольш адказным i
разумным чынам”, - запытаўся адзiн з семiнарыстаў. “Гэта не простае пытанне”, -
адказаў з усмешкай на вуснах Папа. “Але Пан ведае, Ён ведаў ад пачатку, што ў Царкве
таксама ёсць i грэх, i што для нашай пакорлiвасцi важна прызнаць гэта i бачыць грэх
не толькi ў iншых, у структурах, у высокiх герархiчных становiшчах, але i ў нас самiх”. Пасля
заканчэння спаткання Свяцейшы Айцец быў запрошаны на вячэру разам з семiнарыстамi.