Selia e Shenjtë dhe Italia kremtuan 78-vjetorin e Pakteve Lateranense.
(19.02.2007 RV)Për Selinë e Shenjtë
dhe Shtetin italian sot ishte dita e kremtimeve tradicionale të Pakteve Lateranense
të 1929-tës dhe rishikimit të Konkordatit të 1984-tës. Sot pasdite, në Ambasadën
e Italisë pranë Selisë së Shenjtë, dy përvjetoret u kremtuan në praninë e autoriteteve
më të larta të të dyja palëve, ndërmjet të cilëve, presidenti i Republikës italiane,
Gjorgjo Napolitano dhe kardinali Tarçizio Bertone, sekretar i Shtetit të Vatikanit.
Një notë e SIR (Agjensia e Konferencës Ipeshkvnore Italiane), fton për të ecur
së bashku përpara, posaçërisht lidhur me temat themelore, siç është tema e jetës,
e familjes dhe e edukimit, pa u vonuar me polemikat mbi laicitetin, që përsëriten
herë pas here e që synojnë t’i heqin bashkëbiseduesit të drejtën e ligjshme për t’u
shprehur.Sidoqoftë, mund të themi se përgjithësisht 23 vjetët e kaluara që nga rishikimi
i Pakteve Lateranense duhen konsideruar shumë pozitive.