15 лютага арцыбiскуп Мiлана, кардынал Дiонiджi Теттаманцi павiншаваў свайго паапярэднiка
на пасадзе галавы Мiланскай арцыдыяцэзii кардынала Карло Марыю Мартiнi з 80-гадовым
юбiлеем. У вiншавальным лiсце, у прыватнасцi, напiсана: “Ад вернiкаў Мiланскай арцыдыяцэзii
i ад усiх тых, хто ведае цябе, у знак мiру, мiру, якi знаходзiцца ў сэрцы Слова Божага,
мы па ранейшаму высока ацэньваем тваё малiтоўнае i пацешiцельнае служэнне. Мы жадаем
з любоў’ю i ўдзячнасцю далучыцца да тваёй сталай малiтвы за мiр ва ўсiм свеце”, -
заявiў кардынал Теттаманцi. На сайт арцыдыяцэзii прыйшлi сотнi вiншаванняў, для
якiх, нават, была створана асобная секцыя. Вiншаваннi дайшлi з Iталii i з розных краiнаў
свету i, перад усiм, з арцыдыяцэзii, якую кардынал Мартiнi ўзначальваў на працягу
22 гадоў. Цяпер ён большую частку свайго часу праводзiць у Ерусалiме, здзяйсняючы
такiм чынам сваю даўнюю мару займацца навукай i малiтвай, працягваючы такiм чынам
сваё бiскупскае служэнне. У Ерусалiме яго прывiтаюць ня меньш за тысячу асобаў якiя
збiраюцца ў дэацэзыяльную пiлiгрымку на Святую Зямлю з 12 да 19 сакавiка бягучага
года. Пiлiгрымы накiруюцца туды на чале з кардыналам Теттаманцы, якi плануе адсвяткаваць
там 50 гадавiну свайго святарства. Кардынал Мартiнi нарадзiўся ў Турыне 15 лютага
1927 года. Уступiў у Таварыства Езуса; быў рэктарам Папскага Бiблiйнага iнстытута,
а ў 1979 годзе Свяцейшы Айцец Ян Павел II° даручыў яму кiраванне Мiланскай арцыдыяцэзiяй.