“Ці магчыма любіць?”—запытваецца Папа Бэнэдыкт 16 ў пасланьні на сёлетні Сусьветны
Дзень Моладзі, які будзе ўшаноўвацца ў мясцовых Касьцёлах 1-га красавіка, значыць
у Вербную Нядзелю. Сьвяцейшы Айцец адказвае: кожны жадае любіць і быць любленым.
Гэта не ёсьць лёгкім і некаторыя сумняваюцца ў магчымасьць любові, прызнаючы яе за
ўтопію. Аднак любоў магчымая- сьцвярджае Папа. У сваім пасланьні на 22 Сусьветны
Дзень Моладзі Папа спасылаецца да ягонага лозунга, якім ёсьць словы Хрыста з Эвангэльля
ад Сьвятога Яна: “Любіцеся ўзаемна, так як Я вас палюбіў”. Бэнэдыкт 16 заахвочвае
моладзь да супольнага адкрываньня любові. Прыпамінае, што крыніцаю адзінай сапраўднай
любові зьяўляецца Бог. У Сьвятой Тройцы ёсьць ёю самая Асоба Сьвятога Духа. Бога-Любоў
адкрывае нам крыж Хрыста. Ніякае чалавечае жыцьцё- адкупленае Ягонаю Крывёю- не ёсьць
некарысным ці без вартасьці, бо Ён нас любіць вернаю, бязмежнаю любоў”ю. Мы маем
любіць так як Ён—значыць усіх без розьніцы, таксама і непрыяцеляў. Любоў- піша Папа-
гэта адзіная сіла здольная перамяніць сэрца чалавека і ўсё чалавецтва. Бэнэдыкт
16 збвяртае, апрача таго, ўвагу на тое, што сёлетні Дзень Моладзі зьяўляецца важным
этапам дарогі да 23 сусьветнае сустрэчы моладзі, якая адбудзецца ў днях 15-20 люпеня
ў Сыднэй, Аўстралія. Яе тэмаю будуць словы з Апостальскіх Дзеяньняў: “Калі Дух Сьвяты
зыйдзе на вас, атрымаеце Ягоную сілу і будзеце маімі сьведкамі”.