Адбылася яна ў двух частках. З пачатку ў Базыліцы Сьвятога Пятра Сьвяцейшы Айцец
сустрэўся з італьянскімі пілігрымамі. Затым у зале імя Папы Паўла 6-га з іншымі.
Прыбыло на яе шмат вернікаў і паломнікаў з кожнага кутку сьвету. Можна сказаць, што
зала была перапоўненаю. Была гэта ўжо шостая сустрэча Папы Бэнэдыкта 16-га з вернікамі
ў гэтым годзе. А сваю сёньняшнюю катахэзу Сьвяцейшы Айцец прысьвяціў шлюбнаму саюзу
Прышылі і Акуілі. Хаця мелі яны лацінскія імёны абое паходзілі з рымскае гэбрэйскае
супольнасьці. Калі імпэратар
Клаўдзій загадаў выгнаць з Рыму ўсіх гэбрэяў, яны адправіліся ў Карынт. Там, на пачатку
50-х гадоў, сустрэлі Апостала Паўла і прынялі яго да свайго дому. Падтрымлівалі яго
ў ягонай Апостальскай Місіі. У пазьнейшым часе- працягваў Папа- яны перасяліліся
ў Эфэз. Там вялі эвангэлізацыю а ў іхнім доме зьбіралася Хрысьціянская Супольнасьць
дзеля адпраўляньня Літургіі. Калі зноў вярнуліся ў Рым працягвалі гэтую дзейнасьць
ў сваім доме на Авэнтыне. Іхні ўклад у жыцьцё Супольнасьці Вучняў Хрыста- сказаў
на заканчэньне сваёй катахэзы Бэнэдыкт 16- быў так вялікі, што Сьвяты Павал мог напісаць:
“вінаваты ім удзячнасьць не толькі я сам але ўсе Цэрквы навернутых паганаў”.
На заканчэньне аўдыннцыі Сьвяцейшы Айцец прывітаў усіх вернікаў, асабліва хворых,
моладзь ды новыя шлюбныя пары, надзяляючы на ўсіх сваё Апостальскае Бласлвенства.