Solana kosovarëve: Ju duhet të punoni për statusin.
(07.02.07 RV) Përfaqësuesi i lartë
i Bashkimit Evropian për politikë të jashtme dhe siguri, Havier Solana ka shkuar sot
në Prishtinë dhe Beograd. “Asgjë s’do të bëhet në vendin tuaj” u tha ai presidentit
të Kosovës, Fatmir Sejdiu dhe anëtarëve të Ekipit Negociator për statusin, duke u
lënë të kuptojnë se Bashkimi Evropian dhe Bashkësia ndërkombëtare në përgjithësi mund
të ndihmojnë, por puna kryesore në përcaktimin e statusit të Kosovës u takon vetë
kosovarëve. Solana u prononcua edhe mbi kërkesën serbe për shtyrjen e fillimit të
negociatave, parashikuar për 13 shkurt. Shefi i politikës së jashtme të Bashkimit
Evropian u tregua i gatshëm ta pranojë kërkesën serbe, pavarësisht se fjala e fundit
i takon Marti Ahtisarit. “Gjëja më e rëndësishme – tha Solana – është që Beogradi
të impenjohet”. Në Kosovë, Solana u takua edhe me përfaqësuesit e serbëve dhe me autoritetet
e UNMIK-ut e të NATO-s. Nga serbët e Kosovës, “sinjale pozitive dhe inkurajuese” për
negociatat Prishtinë-Beograd, komentoi zëdhënësja e Solanës, Kristinë Gajak. Pasdite,
Solana shkoi në Beograd ku u bashkua me pjesën tjetër të Trojkës evropiane në takimet
me autoritetet serbe. Më hollësisht, informacioni i Rabije Ibrajt nga Prishtina…