Расія: Каталіцкі Эпіскапат аб адносінах з Праваслаўнаю Царквою
У Санк-Пецярбургу адбылася 24 Пленарная Сэсія Каталіцкага Эпіскапату Расіі. У паседжаньні
ўдзельнічалі ўсе біскупы краіны ды Апостальскі Нунцый ў Расейскай Фэлэрацыі арцыбіскуп
Антоніё Мэнніні. Біскупы абмеркавалі дзейнасьць Каталіцкага Касьцёла ў апошнім
пэрыядзе. Асаблівую ўвагу прысьвечана дзейнасьці Вышэйшай Духоўнай Сэмінарыі Марыві-Каралевы
Апосталаў, што знаходзіцца ў Санк-Пецярбургу. З задавальненьнем заўважана значнае
палепшаньне адносінаў з Рускаю Праваслаўнаю Царквою. Біскупы ужо чарговы раз выказалі
жаданьне разьвіваць дыялог з праваслаўнымі братамі. Да ўдзельнікаў паседжаньня
зьвярнуўся арцыбіскуп Мэнніні, які ў асаблівы спосаб крануў праблему неабходнасьці
экумэнічнага дыялогу. Пацьвердзіў погляд аб палепшаньні адносінаў з праваслаў”ем
сьцвярджаючы, што “ў апошнім часе было ўзбагачанае дасьведчаньне пазітыўных адносін
паміж Цэрквамі: рымка-каталіцкаю і праваслаўнаю”.