Në Meksikë do të ndërtohet Shenjtërorja e Martirëve.
(28.01.2007 RV)Kryedioqeza meksikane e Guadalaharës do t’i rifillojë punimet
më 5 shkurtin e ardhshëm, në festën e Shën Filipit të Jezusit, martiri i parë meksikan.
Me këtë rast do të kremtohet një Meshë solemne, e cila do të theksojë edhe më shumë
nevojën e kësaj shenjtëroreje. Së pari, për të nderuar kujtimin e martirëve; së dyti,
për ta mbajtur gjallë praninë e tyre në gjirin e popullit të Zotit e, së fundi, për
të pasur një mjedis të denjë që t’i zërë të gjithë besimtarët, të cilët duan të marrin
pjesë ndër kremtimet mëdha të Kishës. Shenjtërorja e re do të zërë rreth 12 mijë vetë,
pa llogaritur tremen e madhe dhe sheshin e gjërë që ka përpara. Kështu mund t’u krijojë
mundësinë e pjesëmarrjes rreth 50 mijë vetëve brënda e jashtë kishës. Shenjtërorja
do të ketë karakter kombëtar e do t’u kushtohet Gjithë Shenjtorëve, të Lumëve e Martirëve
meksikanë.