Агульная аўдыенцыя Папы у сераду 24 студзеня

Адбылася яна ў зале імя Папы Паўла 6-га. Прыбыло на яе шмат вернікаў і паломнікаў з кожнага кутку сьвету. А было іх, паводле ватыканскіх крыніц, больш за 9-ць тысяч. Была гэта чацьвёртая сустрэча Папы Бэнэдыкта 16-га з вернікамі ў гэтым годзе. Сваю сёньняшнюю катахэзу Сьвяцейшы Айцец прысьвяціў тэмам Тыдня Малітваў за Адзінства Хрысьціян, які ўжо канчаецца.

Сёлета тэмаю гэтага Тыдня былі словы з Эвангэльля Марка: “ глухім Ісус вяртае слых а нямым мову”
Калі мы вяртаемся думкаю да таго, што на працягу апошніх 40 гадоў зьдзейсьнілася ў галіне экумэнізму, мы можам захапляцца Дарам Божае Ласкі, якая зрабіла нас здольнымі да ўслухоўваньня ў тое, што хочуць сказаць нам іншыя і разьвязала нашыя языкі, каб мы здолелі адкрыта гаварыць аб нашых перакананьнях.
Асноўным элемэнтам экумэнічных намаганьняў- сказаў на заканчэньне сваёй катахэзы Сьвяцейшы Айцец - зьяўляецца малітва. Не можа не хапіць нашага заангажаваньня ў працэс будаваньня адзінства, працэс, які з пачатку зьдзяйсьняецца на плоскасьці ўзаемнага пазнаньня ( поўнага любові, пашаны да перакананьняў іншых) а толькі пазьней ажыцьцяўляецца ў братэрскім дыялогу і ў супольным шуканьні праўды, якая раз адкрытая нішчыць ўсе падзелы.
На заканчэньне аўдыннцыі Сьвяцейшы Айцец прывітаў усіх вернікаў, асабліва хворых, моладзь ды новыя шлюбныя пары, надзяляючы на ўсіх сваё Апостальскае Бласлвенства.