У Украінскай Грэка-Каталіцкай Царкве ўзрастае зацікаўленьне місійнаю дзейнасьцю.
Прысьвечана ёй 12-га студзеня сустрэчу, якая адбылася ў Львове- Бруховічах. У сустрэчы
прыняло ўдзел некалькіх біскупаў ды прадстаўнікоў Законных сэмінарыяў ды Законаў.
Адкрываючы сустрэчу, кіеўска-галіцкі арцыбіскуп падкрэсьліў спэцыфіку місійнае дзейнасьці.
Яна заключаецца- як ён сказаў- у абвяшчаньні Эвангэльля тым, якія яшчэ не знаюць Хрыста.
Два іншыя аспэкты царкоўнае дзейнасьці гэта душпастырская праца ў парафіях ды экумэнізм,
які мае на мэце прыверненьне першаснай еднасьці Царквы. Кардынал Гузар падкрэсьліў
патрэбу разбуджаньня місійнае духоўнасьці сярод вернікаў. На сэсіі ў Львове гаворана
таксама аб грэка-каталіцкім душпамстырстве сярод шматлікіх эмігрантаў з Украіны.
Узьнята многа рашэньняў ў гэтай галіне. Біскуп Лончына быў назначаны Апостальскім
Візітатарам для ўкраінскіх грэка-католікаў у Італіі, Гішпаніі ды Ірландыі. Біскуп
Ляховіч зьдзейсьніў душпастырскія візіты сярод украінскіх эмігрантаў ў Партугаліі,
Румыніі, краінах Прыбалтыкі і Грэцыі. Кардынал Гузар, наведваючы Нямеччыну і Вялікабрытанію,
меў размовы з адказнымі за справы эміграцыі. Праблемаю грэка-каталіцкае Царквы ёсьць
недахоп сьвятароў і законных асоб, якія гатовыя ўзьняць душпастырскую працу сярод
украінскіх эмігрантаў.