У сувязі з адрачэньнем арцыбіскупа Вельгуса ад пасады Варшаўскага Мітрапаліта прэсавы
прадстаўнік Апостальскай Сталіцы, айцец Фэдэрыко Лёмбарді, выдаў спэцыяльную заяву,
ў якой чытаем, між іншым: Жыцьцё арцыбіскупа Вельгуса ў мінулых гадах камуністычнага
рэжыму ў Польшчы выставіла на ўрон ягоны аўтарытэт. Дзеля гэтага, міма яго пакорнай
і ўзрушаючай просьбы пра прабачэньне, адрачэньне ад паслугі ў Варшаве і хуткае ейнае
прыняцьце Сьвяцейшы Айцом, здаецца быць адпаведнаю развязкаю, каб супраціўляцца дэзарыентацыі,
да якой дайшло ў гэтай краіне. Гэта момант вялікага цярпеньня для Касьцёла, якому
мы ўсе многа ўдзячныя і які любім, які даў нам пастыраў на меру кардынала Вышынскага
і перад усім Папы Яна Паўла ІІ. Паўсюдны Касьцёл павінен пачувацца да духоўнае салідарнасьці
з Касьцёлам у Польшчы, суправаджаючы яго малітваю і заахвочаньнем, каб хутка здолеў
атрымаць назад раўнавагу. Пры гэтай нагодзе- піша далей айцец Лёмбарді—добра ёсьць
таксама заў-важыць, што справа арцыбіскупа Вельгуса не ёсьць першым і праўдападобна
не будзе апошнім прыпадкам атакі на людзей Каталіцкага Касьцёла, атакі якая выкарыстоўвае
дакуманты Службы Бясьпекі даўняга рэжыму. Многа гадоў пасьля ўпадку камуністычнага
рэжыму, калі не стала сярод нас вялікай і неаспрэчанай постаці Яна Паўла ІІ, цяперашняя
хваля атакаў на Каталіцкі Касьцёл у Польшчы, пад многімі аспэктамі здаецца быць дзіўным
саюзам: паміж тагачаснымі катамі ды іншымі праціўнікамі Касьцёла, а таксама помстаю
тых, якія калісьці яго перасьледавалі ды былі пераможаныя вераю і жаданьнем свабоды
польскага народу. “Праўда вас вызваліць”- гаворыць Хрыстос. Касьцёл не баіцца
праўды. Каб быць вернымі свайму Госпаду, ягоныя члены мусяць заўсёды быць здольнымі
прызнаць свае віны. Жадаем Касьцёлу ў Польшчы, каб здолеў перажыць і перамагчы з
адвагаю і яснасьцю гэты цяжкі перыд, каб мог пастаянна ўзносіць свой каштоўны і выключны
уклад веры і місійнага энтузыязму для Эўрапэйскага і Паўсюднага Касьцёлу- так закончыў
сваю заяву айцец Лёмбарді