У Шэўтоне (Бельгiя) прайшло экуменiчнае спатканне.
Супольная праваслаўна-каталiцкая працоўная група св.Iерынея правяла сваё трэццяе
паседжанне ў бенедыктынскiм кляштары Шэўтон, якi знаходзiцца ў Бельгii. Сабраных прывiтаў
настаяцель кляштара а.Фiлiп Вандерхейдэн i каталiцкi бiскуп Намюра монс. Андрэ-Мусьен
Леонар. Спатканне адбылося пад час вiзiта Свяцейшага Айца Бенедыкта XVI° да Сусветнага
Патрыярха Барталамея I°, што спрыяла зразуменню ўдзельнiкамi спаткання неабходнасцi
наблiжэння Праваслаўнай i Каталiцкай Цэркваў. Супольная Праваслаўна-Каталiцкая
група была заснавана ў 2004 годзе ў г.Падерборне (Германiя). Яна з’яўляецца сталым
багаслоўскiм аб’яднаннем, якое мае на мэце пераадоленне моўных i культурных межаў.
Група складаецца з 13 праваслаўных тэолагаў, якiя належаць да Патрыярхатаў Канстантынопаля,
Антыёхii, Масквы, Сербii, Румынii, Балгарыi, Грэцыi, Польшчы, Эстонii i 13 каталiцкiх
тэолагаў з Бельгii, Германii, Францыi, Iталii, Нiдэрландаў, Аўстрыi, Польшчы i ЗША.
Другое спатканне згаданай групы адбылося ў лiстападзе 2005 года ў грэцкiм праваслаўным
манастыры Пендэлi. На прыканцы сёлятняга паседжання бiскуп Магдэбурга Герхард
Файге падзякаваў шэўтонскiх законнiкаў за гасцiннасць i бельгiйскую экуменiчную арганiзацыю
“Унiтас” за фiнансавую падтрымку спаткання. Наступная сустрэча працоўнай групы
пройдзе ў лiстападзе 2007 года ў Сербii па запрашэнню праваслаўнага епiскапа Iгната
Мiдзiча.