Умілаваныя Браты і Сёстры ў Хрысце Пану! Прагну
павіншаваць усіх вас са Святам Божага Нараджэння. Няхай мае пажаданні абудзяць у вашых
сэрцах адказнасць за другога чалавека, каб кожны хрысціянін адчуў сябе апосталам,
абвяшчаючым вялікую радасць, людзям спрагнёным дабрыні, любові і супакою. Езус
– гэта сапраўднае Святло. Таму звяртаюся да кожнага з вас: прымі радасную навіну аб
Божым Нараджэнні да свайго жыцця і дзяліся гэтым Святлом са сваімі блізкімі і знаёмымі,
на працы і ў школе, з тымі, хто патрабуе тваёй дапамогі. “Вось абвяшчаю вам вялікую
радасць. Дзіця нам нарадзілася! Эмануэль. Князь супакою”. Хрыстус прынёс свету
і кожнаму чалавеку супакой і радасць, моц і збаўленне. Таму набліжаючыся ў гэтым Годзе
да Езусавых ясляў у нашых малітвах будзем памятаць пра наш народ, людзей хворых і
самотных, пра нашу моладзь і дзяцей, пра тых, якія нясуць вайсковую службу, пра вязняў
пазбаўленных свабоды, пра людзей працуючых на карысць нашай краіны, пра людзей веруючых
у Хрыста і не спазнаўшых Яго любові, і пра тых, якія з розных прычын у гэты дзень
не змаглі прыйсці ў Касцёл. Божае Нараджэнне дало пачатак эры хрысціянства – эры
любові і прабачэння. Езус узяў на сябе нашыя грахі, штодзённа нам прабачае і запрашае
нас да ўдзелу ў таямніцы Свайго адкуплення. Станем жа перад Ім у праўдзе, у духу
нязломнай веры, братэрскай любові і надзеі на вечнае прабыванне ў небе, перапрашаючы
і прабачаючы нашым бліжнім. Радасных і бласлаўленых свят Божага Нараджэння і шчаслівага
Новага 2007 года ад усяго сэрца вам жадаю Біскуп Віцебскі