Пасланьне Сакратара Сусьветнае Рады Цэркваў на Сьвята Божага Нараджэньня 2006 году
Гэнэральны Сакратар гэтае арганізацыя, якая засяроджвае 348-м хрысьціянскіх Цэркваў
зьвяртае ўвагу на зманянальны факт, што апісаны ў Эвангэльлі Сьвятога Лукаша. Добрая
Навіна аб нараджэньні Збавіцеля была абяўленая пастушкам, якія былі ў тамашніх часах
асабліва пагарджанымі і адкінутымі ад грамадзтва. Аднак перамяніла яна іх у абвяшчальнікаў
Эвангэльля, што ў сваю чаргу зьдзейсьніла перамены ў іхніх слухачоў ды ў цэлай чалавечай
гісторыі. Гэнэральны Сакратар Рады Цэркваў прыпамінае, што на ейным Агульным Зграмаджаньгні,
ў лютым 2006-га году ў Порто Алегрэ (Бразылія), што праходзіла пад лозунгам: “Божа,
ласкаю Тваёю перамяні сьвет”, выказана надзею ў перамену сьвету, але гаварана
таксама аб сітуацыі насільля, падкрэсьлена патрэбу аховы дзяцей перад няшчасьцем вайны. Пасьля
сустрэчы ў Порто Алегрэ экумэнічная дэлегацыя адправілася ў Лібан, Палестыну ды Ізраіль,
каб праявіць салідарнасьць ахвярам канфлікту. Сусьветная Рада Цэркваў надалей падтрымлівае
заангажаваньне хрысьціян Афрыкі ў карысьць міру ў Судане, асабліва ў Дарфуры. На
нядаўняй сустрэчы яе галоўнага Камітэту ў Жэнэве высказана трывогу з прычыны забіцьця
на Філіпінах царкоўных дастойнікаў, якія выступалі ў абароне справядлівасьці. Вось
такое балючае сьведчаньне Царквы аб Хрыстовых дарах любові і міру—сьцвярджае ў Калядным
Пасланьні пастор Кобія.